جناب نیر جلالپوری صاحب
تیرا سجدہ تری مسجد ترا کعبہ سجاد
ہر عبادت میں ہے روشن ترا چہرا سجاد
اک طرف عظمت توریت و زبور و انجیل
اک طرف تیری دعاؤں کا صحیفہ سجاد
سو صحیفے ترے خطبے کے تقدس پہ نثار
تونے کوفے میں بھی بدلا نہیں لہجہ سجاد
سب کے سب ہیں ترے کنبے کی جلالت پر گواہ
سنگ اسود ہو صفا ہو کہ ہو مروہ سجاد
سر کے بل چلتا ہے کعبہ ترے پیچھے پیچھے
تیرا ہر نقش قدم ایک مصلی سجاد
کہکشاں ہے کہ ترے پاؤں سے لپٹی ہوئی دھول
چاند ہے یا ترے ناخن کا تراشاسجاد
سحرو شام ترے گیسو و رخسار کا عکس
اور سورج ہے ترا نقش کف پا سجاد
جس کو مل جائے ترے ہاتھوں کا دھون مولا
کیا کرے گا وہ زمانے کا خزانہ سجاد
پائی اسلام نے آکر ترے دامن میں پناہ
تونے قرآں پہ کیا دھوپ میں سایہ سجاد
پھر تصور میں مرے آگئے تیرے آنسو
پھر سمندر مجھے لگنے لگا قطرہ سجاد
بار وہ تونے اٹھا یا جو کسی سے نہ اٹھا
ہے رسولوں سے بڑا تیرا کلیجہ سجاد
صبر شبیر سے آگے ترے دل کی ہمت
عصر عاشور سے آگے ترا رستہ سجاد
وہاں ایوب بھی ہوتے تو جگر پھٹ جاتا
جہاں آیا نہ ترے رخ پہ پسینہ سجاد
میرے احساس کی دولت بھی ترے درد کی بھیک
یہ میرا خطۂ جاں تیرا علاقہ سجاد
تیری زنجیر کی نسبت سے قوی ہیں مرے ہاتھ
طوق منت سے ہے گردن میں اجالا سجاد
میں فرزدق نہیں نیر ہوں مگر تیرا ہوں
بس اسی ناز پہ لکھتاہوں قصیدہ سجاد
اَللَّهُمَّ الَعَنْ قَتَلَۃَ عَلِيِّ بْنِ الْحُسَيْنِ زیْنِ الْعَابِدِينَ عَلَیْہ السَلام
▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬
تجھ سا نہیں جہاں میں بے مثل سوگوار
گردن میں طوق و بیڑی شرافت کا شاہکار
عابد تیرس اُس منظر دربار پر نثار
آنکھوں میں خون لب پہ رہا شکر کردگار
مرقد میں اب بھی آنکھ تیری اشک بار ہے
تو کائناتِ درد کا پروردگار ہے
▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬
اَللَّهُمَّ الَعَنْ قَتَلَۃَ عَلِيِّ بْنِ الْحُسَيْنِ زیْنِ الْعَابِدِينَ عَلَیْہ السَلام
▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬
■ بــھــولــے نــــــہ زنــدگــــــی بــھــر مــولا ســــجــــاد شــــام ■
▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬
■ بــھــولــے نــــــہ زنــدگـــــــی بــھــر مــولا ســــجــــاد شــــام ■
■ کر کر کـہ یـاد روئــے ہـر لمحھ ایــک ہی بات مولا سجاد شام ■
■ ٹــــوٹــی اگــر چــہ کـــس پــہ قــــــیــامــــــت نــہ راہ مــیــــں ■
■ گــــزری اگــر چــــہ کــس پــــہ مــــصـــیــبــت نــہ راہ مــیــــں ■
■ پــر یــــہ ھــے وہ کــہ جــــس پــہ مــصــیــبــت ہوئــی تــمــام ■
■ عــابــد کــہ دونــوں ہــاتھہ ھــیــں زنــجــیــر مــیـں بــنــدھــے ■
■ حــسرت ســے جارھـــے ہــیــں وہ لاشــــوں کــو دیــکــھتــے ■
■ لاشـــــــوں کــو ہاتھہ اتھــاکــــــہ کــرے کــس طــرح ســــــلام ■
▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬
■ ســـــــــــــــــــلام یـــا سید سجاد و اســـیـــران کربـــلا ■
▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬
